فیفا ورلڈکپ میں نیا ریکارڈ: عالمی رینکنگ کی چاروں ٹاپ ٹیمیں سیمی فائنل میں پہنچ گئیں

کو ملا۔ نئے فارمیٹ کی بدولت اب سیمی فائنلز میں فرانس کا ٹکراؤ اسپین سے اور انگلینڈ کا مقابلہ ارجنٹینا سے ہوگا۔

فیفا ورلڈکپ کی تاریخ میں پہلی بار عالمی رینکنگ کی چاروں سرفہرست ٹیموں یعنی اسپین، ارجنٹینا، فرانس اور انگلینڈ نے سیمی فائنل کے لیے کوالیفائی کر لیا ہے۔ اس تاریخی کامیابی کے پیچھے فیفا کا نیا ڈرا سسٹم ہے، جس کے تحت ان چاروں مضبوط ٹیموں کو الگ الگ گروپس میں رکھا گیا تھا تاکہ وہ سیمی فائنل سے پہلے ایک دوسرے کے خلاف نہ کھیلیں۔

اس حکمت عملی کی کامیابی کے لیے لازم تھا کہ یہ چاروں ٹیمیں اپنے اپنے گروپ میں پہلی پوزیشن حاصل کریں، اور میدان میں ایسا ہی دیکھنے کو ملا۔ نئے فارمیٹ کی بدولت اب سیمی فائنلز میں فرانس کا ٹکراؤ اسپین سے اور انگلینڈ کا مقابلہ ارجنٹینا سے ہوگا۔ دلچسپ بات یہ ہے کہ اسپین اور ارجنٹینا اب صرف فائنل میں ہی ایک دوسرے کے مدمقابل آ سکتے ہیں۔

واضح رہے کہ 48 ٹیموں پر مشتمل نئے ورلڈکپ فارمیٹ کی وجہ سے آغاز میں ہی بڑی ٹیموں کے آپس میں ٹکرانے کا خطرہ تھا۔ اسی وجہ سے فیفا نے ڈرا کے طریقہ کار میں تبدیلی کی تاکہ ٹورنامنٹ کے بڑے اور سنسنی خیز مقابلے آخری مراحل تک محفوظ رہیں، اور فیفا کا یہ فیصلہ مکمل طور پر کامیاب ثابت ہوا ہے۔